Ek het vir Nanindi ‘n graafie en ‘n gietertjie gekoop toe ek sien hoe sy dit geniet om die plante nat te maak met die groot gieter. Sy kry nog nie lekker die idée van wanneer daar water in die gieter is dat sy eers na die plante toe moet loop en dan die water uit gooi nie. Sodra ek vir haar die gieter gee gooi sy die water uit presies daar waar sy staan. Of wanneer ons by die plante staan gooi sy die water op die vloer waar sy staan en mis die plante heeltemal. Of wanneer die water uit gegooi is loop sy eers na die plante toe. Maar sy het ook nou agter gekom waar die water vandaan kom so elke keer as sy die gieter optel loop sy na die kraan toe in plaas van die plante wat sy gewoondlik gedoen het.
Ek het haar toe bietjie op die grond gaan neer sit en gewys wat sy met haar grafie moet doen. Sy het bietjie van die sand geproe maar natuurlik nie baie daarvan gehou nie. Sy het so klein gelyk in die groot tuin. Ons het besluit om te gaan Pizza eet en natuurlik toe dit nou tyd is om haar skoon klere aan te trek en voete te was, was dit ‘n groot geskree.
No comments:
Post a Comment